Nas últimas cinco semanas produziram-se 276.112 novos contágios de Covid-19 em Israel e 822 óbitos. Hoje há mais 54.601 casos ativos do que na última postagem da QJ sobre a situaçom epidemiológica por causa da pandemia no Estado judeu.
O que aconteceu?
Com certeza existem múltiplas causas. Em primeiro lugar, logo dumha bem sucedida campanha de vacinaçom, cabe destacar que Israel deixou de encabeçar a lista de países máis imunizados do mundo. De facto, foi superado por Portugal (86,70%, dos quais 7,06% com apenas umha dose) ou países como Espanha, Uruguai, China, Chile, Irlanda, Canadá, França ou Reino Unido. Israel tem hoje 68,69% da populaçom vacinada (5,67% com apenas umha dose).
Por outro lado, comprovou-se que a vacina aplicada no Estado Judeu (a Pfizer/BioNTech) perde efetividade após seis meses de receber a segunda dose. É por isso que, a partir do mês de agosto, Israel está a administrar umha terceira dose às pessoas com mais de 40 anos.
De resto, existe umha parcela muito significativa da populaçom que rejeita a vacina. Quer por questões religiosas, quer por simples negacionismo, umha importante faixa está desprotegida perante a propagaçom das variantes do Coronavirus.
Apesar deste panorama desalentador nos últimos dias evidencia-se um recuo na taxa de contágios.
 |
| Novos contágios de Covid-19 em Israel 1/8/2021-5/9/2021 |
 |
| Casos graves de Covid-19 em Israel. Julho-Setembro de 2021 |
Sem comentários:
Enviar um comentário