O Israel Start-Up Nation é a primeira equipa profissional israelita que, após a sua fundaçom em 2015, procura preparar jovens ciclistas de Israel e outros países sem umha tradiçom de ciclismo, tenham a oportunidade de ser parte da família do ciclismo profissional.
No dia 21 de março a apresentaçom da equipa do Israel Start-Up Nation para a Volta Ciclista à Catalunha de 2021 tornou-se viral por causa do cartaz de promoçom escolhido pola organizaçom. Numha imagem nas redes sociais e também no seu site, a fotografia dos ciclistas aparecia com umha estelada (bandeira do movimento independentista catalão) de fundo.
A equipa israelita estreia Chris Froome (Reino Unido) na nova equipa. Froome é a sua estrela e a grande esperança para a volta catalã.
A Volta a Catalunha faz agora 100 anos, umha ediçom que deveu ter chegado em 2020, mas a pandemia de coronavírus impediu a sua realizaçom. A Covid-19 adiou a Volta e em 2021 regressa com mais força. A organizaçom mantém o mesmo percurso planeado para o 2020.
A equipa israelita tem o seu campo de treinamento em Girona e Goldstein (Israel), Impey (África do Sul), Hollenstein (Suíça) e Cataford (Canadá) acompanham Froome. Também Woods (Canadá) e Martin (República da Irlanda) para as etapas de montanha.
A imagem da estelada foi polémica, provocando todo tipo de comentários (negativos entre os espanholistas e positivos entre os independentistas), e o Israel Start-Up Nation acabou removendo-a e publicando umha outra com a senyera (bandeira oficial da Catalunha).
Nesta ediçom tormar-se-ám medidas por causa da pandemia, realizando testes de PCR a toda a organizaçom e aos 120 voluntários. "As empresas e todos os trabalhadores que vierem à Volta têm de levar um teste PCR negativo e as equipas e corredores som controladas pola UCI", referiu Rubèn Peris, o diretor da Volta.
Saiba mais sobre as relações entre Israel e a Catalunha:
> Israel perante a independência da Catalunha
> As relações entre a Catalunha e o Estado de Israel
Sem comentários:
Enviar um comentário