PORTALEGRE

Cidade portuguesa, capital do distrito homónimo, situada na regiom do Alentejo, com cerca de 15.700 habitantes.

Portalegre, onde umha das atividades importantes seria a de dar abrigo e mantimentos aos viajantes, é umha cidade muito antiga. O rei D. Afonso III concedeu-lhe o primeiro foral em 1259, mandando-a fortificar.

A importância da cidade no século XVI traduzia-se, por exemplo, no volume das receitas do imposto sobre as judiarias, o qual era semelhante ao do Porto e só era ultrapassado polo de Lisboa, Santarém ou Setúbal.

A antiga Judiaria de Portalegre poderia ser identificada, como noutras judiarias galego-portuguesas, com a Rua Nova. Os processos da Inquisiçom permitem localizar muitos cristãos-novos na freguesia de Santa Maria e na de S. Lourenço.

De resto, no local da antiga sinagoga de Portalegre, consoante a tradiçom do século XVI, ter-se-ia erguido a igreja de invocaçom de S. Lourenço ou Lourencinho. 

Por outro lado, o cemitério judaico é provável que tivesse a sua localizaçom nas proximidades da igreja do Espírito Santo, pois quando se fez a pia baptismal foram descobertas, em meados do século XVI, inúmeras osadas que teriam sido identificadas na altura com a dos Judeus falecidos antes do baptismo e que viriam a ser roubadas e levadas como relíquias polos seus descendentes.