Segundo se informou na atualizaçom da postagem de Tui, logo depois de o Pleno da Corporaçom municipal de Tui ter aprovado em 27 de setembro de 2018 promover a candidatura desta cidade galega para se integrar na associaçom Red de Juderías de España- Caminos de Sefarad (doravante Rede de Judiarias), iniciou-se o processo segundo o estabelecido nas bases de "Critérios de admissom e protocolo de atuaçom para a aceitaçom de novas cidades à Red de Juderías de España-Caminos de Sefarad".
9 de janeiro: A delegaçom municipal de Tui é convocada em Madrid para defender a candidatura da cidade. A redaçom de toda a documentaçom necessária, nomeadamente a Memória, é realizada por Suso Vila, historiador local com experiência no estudo e divulgaçom da herança judaica de Tui. Para além disso, o Concelho elabora umha brochura mostrando o roteiro judaico de Tui.
15 de janeiro: A Comissom de Admissom de Novas Cidades da Rede de Judiarias elege a candidatura de Tui como finalista.
25 de fevereiro: Visita do "Comité de admissões" da Rede de Judiarias a Tui, realizando um percurso guiado polos locais mais proeminentes da herança judaica da cidade minhota, entre os quais, os Sambenitos, alojados no museo catedralicio.
27 de março: A Assembleia Geral da Rede de Judiarias aprova a entrada de Tui como cidade membro da associaçom. Para além de Tui, foram admitidas as cidades de Béjar (Salamanca), Lorca (Múrcia) e Sagunt (País Valenciano), ficando fora Calatayud (Saragoça) e Vitoria-Gasteiz (País Basco).
30 de junho: A segunda Assembleia Geral da Rede de Judiarias aprova de forma efetiva a entrada de Tui, ficando constituída a entidade por 22 municípios.
Destarte, Tui une-se às outras duas cidades galegas que fazem parte da Rede de Judiarias: Monforte de Lemos e Ribadávia.
Segundo Carlos Vasques Padim, na altura presidente da câmara municipal de Tui e entusiasta promotor da iniciativa, "a entrada de Tui na rede pode supor um antes e um depois na importância no panorama turístico da cidade se os sucessivos governos souberem aproveitá-lo e para isso é requerido um trabalho sério de longo prazo, começando pola implementaçom do Plano Diretor e Estratégico de Turismo que também encarguei durante o meu periodo como responsável de Turismo no Concelho". Oxalá!
Sem comentários:
Enviar um comentário