CACABELOS

Município do Berço ocidental que faz parte da Galiza estremeira com cerca de 5.500 habitantes.

Cacabelos é mencionado pola primeira vez no século X numha doaçom do rei Vermudo II ao mosteiro de Carrazedo. Disputada a jurisdiçom de Cacabelos entre as dioceses de Astorga e Santiago, em 1138 o rei Afonso VII doa vila à mitra de Compostela, ficando sob o controlo deste cabido até 1890.

Durante a Idade Média Cacabelos cresceu ao abrigo do Caminho de Santiago, o que teria atraído o assentamento dumha comunidade judaica.

A Judiaria de Cacabelos teve umha escassa populaçom judaica e de pouca importância económica. A primeira referência a esta Judiaria é um documento do bispado de Leom-Astorga de 1464, aparecendo ligada, a efeitos tributários, com a de Ponferrada, Barrios de Salas, Bembibre e Vila Franca de Valcarce, referindo no conjunto umha quota de 5.230 maravedis.

Acha-se que a Judiaria de Cacabelos estava situada na zona da ermida de Sam Roque (denominada assim desde o século XVI) e que este templo tivesse sido a antiga sinagoga, pois a sua advocaçom à Vera Cruz foi habitualmente empregada polos cristãos no momento de usurpar os prédios das sinagogas. Também se descarta a hipótese de que existisse umha Judiaria na saída da vila.

Além disso, é claro que no Berço se produziu umha despovoaçom de Judeus nos finais do século XV na sequência do édito de expulsom de 1492. Anos antes, em 1486, Cacabelos, como o resto de povoações do Berço ocidental, foi afastado da influência social, política e cultural galega ao ser colocado sob mãos do Condado de Benavente.