Freguesia portuguesa do concelho de Idanha-a-Nova, na regiom da Beira, com 270 habitantes.
Repovoada por D. Sancho I, foi priorado da apresentaçom do marquesado de Cascais e sede de concelho, com Câmara e Justiça próprias, do que restam ténues vestígios.
Até o século XVI viveu em Medelim umha comunidade judaica, que habitou a atual Rua da Judiaria.
 |
| Localizaçom da R. da Judiaria de Medelim. GoogleEarth |
 |
| R. da Judiaria de Medelim. Foto: Wikipedia |
Segundo a tradiçom popular o bairro judeu de Medelim teria funcionado como um "guetto" ao tratar-se dumha rua fechada com dous portões, um ao cimo da rua, fechava desde o antigo forno de cal com o que era a casa que veio dar lugar a umha taberna e outro portom no final da rua.
Trata-se dum belo conjunto de casas de balcom, algumhas das quais revelam o modo de vida dessa comunidade com vestígios de comunicaçom entre si, e com umha fasquia muito próxima da sua configuraçom original.
Na R. da Judiaria existe um prédio, conhecido de Casa do Judeu, adquirido e recuperado polo concelho de Idanha-a-Nova, e que funciona como sede do grupo de artesanato "O Arcaz".
 |
| Placa identificando umha casa judaica em Medelim. Wikipédia |
Além disso, todo indica que na Judiaria de Medelim existiu umha Sinagoga, tam desajeitadamente desmantelada para a construçom dumha moradia, que é irreconhecível a sua fasquia original. Tratava-se dumha edificaçom cujo balcom, fora do vulgar, possuiadous vãos de escadarias que se encontravam num só patamar.
 |
Prédio que albergava a antiga sinagoga de Medelim.
|
 |
| Reconstituiçom da antiga sinagoga de Medelim realizada por A.Pires no seu blogue. |
Sem comentários:
Enviar um comentário