Entre os dias 4 e 5 de outubro o Centro Associado à UNED (Universidad Nacional de Educación a Distancia) em Ourense organiza umhas jornadas sob o título "O contributo da comunidade judaica à historia da vila de Monte Rei".
 |
| Hexagramas judaicos na igreja de Sta. Maria Graça dentro do recinto do Castelo de Monte Rei. |
A atividade, dirigida por Enrique Cantera Montenegro, Catedrático de História Medieval da UNED e coordenado por Julio Prada Rodríguez, professor da Universidade de Vigo, tem por objetivo visibilizar a presença da comunidade judaica na história da Galiza e potenciar este país como destino do turismo judaico.
O evento, que se inicia a 4 de outubro às 16h, decorrerá no Parador Nacional (Pousada) de Monte Rei, abrange 10 horas letivas e inclui umha visita guiada pola vila de Monte Rei e o seu cemitério judaico. Para assistir é preciso cadastra-se e pagar umha propina de 15€ (inscrições até 1 de outubro) .
O elenco de relatores está formado por Felipe Aira Pardo, historiador e investigador encargado do estudo sobre a comunidade hebraica e de conversos de Monforte de Lemos, Glória de António Rúbio, doutora em História pola UNED e investigadora do Instituto de Estudos Galegos Padre Sarmiento (CSIC), Anselmo Lópes Carreira, doutor em História Medieval e polo doutor em Análise Política Diego Valor Bravo e membror da Sociedad de Ciências das Religiões da Universidad Complutense de Madrid.
O evento conta com a colaboraçom da Associaçom Galega de Amizade com Israel (AGAI).
Sem comentários:
Enviar um comentário