A FORMAÇOM DO ESTADO DE ISRAEL

Umha vitória dos povos contra a dominaçom imperialista

No 15 de maio foi proclamado o Estado judeu de Israel.

O novo estado nasceu depois de longos anos de luta do povo judeu para conseguir um lar nacional. E logrou-o através dumha luta dura e tenaz contra todas as manobras do imperialismo, contra toda a violência e arbitrariedade. A partir de 1917, o ministro dos Negócios Estrangeiros da Grã-Bretanha, lorde Balfour, prometeu a lorde Rothschild, entom presidente da Federaçom Sionista Britânica, que "os esforços da Inglaterra seriam usados para dar aos judeus um lar na Palestina" até hoje, os judeus, apesar da promessa solene dos imperialistas ingleses tiveram de tomar umha dura luta por conseguir a sua pátria.

Inglaterra usou o seu mandato na Palestina para transformar o país numha base militar, e um local estratégico para a sua expansom colonial. Para isso fez o seu melhor para enfrentar árabes contra judeus, a fim de ter um pretexto para impedir a liberdade de ambos os povos.

Nom sendo possível manter a sua dominaçom sobre a Palestina com o acordo das Nações Unidas, o imperialismo inglês favoreceu a  agressom árabe à Palestina.

Os exércitos dos Estados árabes armados e dirigidos polos ingleses invadiram a Palestina. E as primeiras salvas do novo Estado foram as explosões de bombas inglesas, lançadas por aviões ingleses sobre as cidades de Israel.

Muitos e difíceis problemas enfrenta o novo estado. Nom é só o imperialismo inglês que nom se resigna à sua existência. O imperialismo ianque tem grandes interesses no Próximo Oriente  e visa alargá-los, fez o seu melhor para evitar a criaçom normal do Estado judeu, conforme o aprovado pola ONU. Foi cúmplice do imperialismo britânico contra a independência da Palestina.

A firmeza do povo judeu e a valiosa ajuda da Uniom Soviética na ONU frustraram todas as manobras.

Mas isso nom significa que os trustes e os círculos militaristas ianques têm abandonado os seus planos. E a independência e soberania de Israel está em perigo.

No movimento sionista houve sempre certos sectores partidários do compromisso com o imperialismo que nom enfrentavam resolutamente a luta por umha naçom judia independente. Sobre estes setores vai tentar exercer a sua influência o imperialismo ianque para manter o novo Estado sob sua hegemonia.

Poderá evitar-se isso através da unidade do povo judeu e da participaçom das massas populares através dos seus partidos e organizações na direçom do novo Estado de Israel. Sem dúvida que, igualmente, irá afirmar ao Estado judeu umha política inteligente e justa relativamente aos árabes, criando condições para o convívio com o outro povo escravizado polos imperialistas e polos indígenas feudais, de respeito polas minorias árabes do território judeu e de reconhecimento dos seus direitos.

O povo judeu tem ao seu lado a Uniom Soviética, campeom da causa da autodeterminaçom dos povos e às massas populares e democráticas do mundo inteiro que saúdam a formaçom do novo Estado de Israel como um passo em frente na luta da libertaçom dos povos da opressom imperialista.

Já tem hoje as primeiras demonstrações de solidariedade através do clamor que se eleva a cada país pedindo que se ponha fim à agressom dos países árabes contra o Estado de Israel. Parar esta agressom dirigida a partir de Londres com a cumplicidade de Washington é de interesse para a liberdade de todos os povos e para a causa da paz.

Nº 118 de Mundo Obrero - 20 de maio de 1948 - pág. 4